iPhone 3G 解禁 揀 plan 要小心

佢 官 網 都 冇 一 個 選 項 有 「 公 平 使 用 政 策 」 ， 直 至 佢 搜 尋 內 先 搵 到 12 個 結 果 ， 當 中 只 有 1 個 提 及 「 使 用 上 限 為 1GB 」 ， 試 問 一 般 用 家 點 會 睇 到 ！

真 係 冇 吹 水 ， 搵 勻 成 張 宣 傳 單 張 兼 睇 埋 下 面 蚊 型 字 都 見 唔 到 「 使 用 上 限 為 1GB 」 字 句 ， 仲 神 秘 過 「 朋 友 」 真 正 身 份 。

數 碼 通 個 細 則 有 講 明 600MB 點 用 ， 但 由 於 計 算 方 法 太 過 複 雜 ， 電 機 兒 落 鋪 都 聽 半 粒 鐘 先 明 ！

呢 期 電 機 兒 部 手 機 響 不 停 ， 個 個 打 問 我 iPhone 3G 係 咪 解 放 有 齋 機 賣 ？ Yes ！ 家 陣 上 Apple Store ， 你 就 可 以 用 $5,400 （ 8GB ） 、 $6,200 （ 16GB ） 拎 走 部 行 貨 iPhone 3G ， 唔 使 簽 約 、 唔 使 解 lock ， 咁 個 個 台 又 新 出 上 網 plan ， 包 通 話 分 鐘 ， 又 有 數 據 用 ， 真 係 上 乜 台 都 得 。 可 惜 有 friend 開 開 心 心 帶 機 上 台 ， 竟 然 冇 耐 就 話 中 招 ？ 事 關 有 人 join 個 無 限 上 網 plan ， 但 1GB 就 叫 無 限 ， 又 有 人 用 完 先 知 上 網 data 同 下 載 data 分 開 計 。 真 係 咁 鬼 ？ 就 等 電 機 兒 即 check 上 網 plan 有 乜 陷 阱 ！

陷 阱 1 　 上 限 1GB 搵 激 ！
俾 friend 打 問 得 最 多 就 係 one2free 個 $538 無 限 上 網 plan ！ 事 關 宣 傳 單 張 話 $538 包 3,000 分 鐘 通 話 同 無 限 數 據 用 量 ， 聽 落 唔 貴 真 係 好 free ！ 而 電 機 兒 亦 好 小 心 咁 上 佢 個 網 睇 埋 「 條 款 及 細 則 」 都 冇 提 數 據 用 量 上 限 ， 直 至 搵 到 「 公 平 使 用 政 策 」 ， 先 見 到 「 使 用 上 限 為 1GB 」 呢 句 ， 爆 盛 惠 $0.01/KB ， 之 後 電 機 兒 再 打 上 熱 線 問 ， 個 CS 都 搵 一 輪 ， 總 共 用 8 分 鐘 先 答 到 我 係 有 1GB 上 限 。 大 佬 啊 ！ 家 陣 睇 10 分 鐘 YouTube 都 要 20MB 啦 ， 1GB 除 番 開 1 日 睇 20 分 鐘 都 唔 夠 ， 仲 未 計 睇 網 頁 同 e-mail ， 咁 都 叫 「 無 限 」 ， 你 恰 我 唔 識 中 文 ？ 其 他 台 無 限 plan 都 冇 上 限 ， 你 真 係 勁 ！

陷 阱 2 　 神 奇 的 600MB
第 二 個 陷 阱 連 電 機 兒 都 差 中 招 ， 話 說 呢 期 個 個 台 上 網 plan 包 數 據 都 係 不 限 用 途 ， 上 網 之 餘 連 download 都 冇 問 題 ！ 惟 獨 數 碼 通 個 IOM 優 惠 組 合 入 面 包 600MB ， 原 來 只 可 用 「 手 機 原 廠 瀏 覽 器 瀏 覽 網 頁 」 ， 即 係 話 iPhone 3G 機 主 只 可 用 來 開 Safari ， 若 然 唔 小 心 開 YouTube 、 Google Maps 呢 桌 面 捷 徑 呢 ？ Sorry ， 咁 就 即 刻 收 你 $15/15MB ， 玩 法 同 其 他 台 好 有 分 別 ！
最 神 奇 就 係 每 月 600MB 係 逐 日 同 你 計 ， 每 日 20MB 由 凌 晨 12:00 開 始 計 ， 唔 可 以 帶 落 下 一 日 ， 即 係 話 你 1 號 用 19MB ， 但 2 號 用 21MB 的 話 ， 都 即 刻 當 你 爆 ！ 盛 惠 $15/15MB 。 如 果 你 晚 上 11:00 上 網 的 話 ， 就 記 住 睇 清 楚 自 己 用 爆 20MB 未 喇 ， 將 近 爆 ？ 不 如 等 過 12:00 先 再 上 喇 ， 咪 當 自 己 係 灰 姑 娘 ！ 其 他 台 都 冇 呢 神 奇 規 矩 ， 但 數 碼 通 「 細 」 則 又 真 係 講 明 喎 ， 冇 睇 清 楚 你 都 冇 得 拗 ！

陷 阱 3 　 唔 簽 約 冇 得 用
好 多 之 前 冇 買 iPhone 3G 蘋 果 fans 都 係 唔 想 簽 24 個 月 長 命 約 ， 家 陣 諗 住 有 齋 機 ， 帶 機 上 台 揀 個 上 網 plan 就 最 fit 啦 。 不 過 ， 我 就 有 friend 去 到 門 市 乜 都 傾 好 ， 臨 尾 個 sales 先 同 佢 講 個 上 網 plan 係 要 簽 約 ， 個 friend 問 ： 「 畀 貴 少 少 月 費 唔 簽 得 唔 得 」 ？ Sales 都 係 say no ！ 有 冇 搞 錯 呀 ？ 其 他 台 你 肯 簽 約 都 送 月 費 同 超 市 禮 券 引 你 啦 ， 唔 簽 都 唔 會 連 plan 都 唔 畀 人 用 啦 ！ 唔 明 one2free 同 數 碼 通 有 乜 理 由 叫 人 簽 12 同 15 個 月 ！ 所 以 用 家 上 台 前 ， 要 諗 清 楚 係 咪 想 俾 張 約 縛 住 喇 ！

數 碼 通 都 宣 傳 單 張 用 細 字 寫 明 要 簽 約 ， 但 one2free 照 舊 冇 提 ， 要 上 網 搵 細 則 先 睇 到 ！ 假 如 我 未 join plan 上 網 ， 咁 點 睇 細 則 呀 ？

最 新 手 機 上 網 plan
PCCW 　 Web & Talk 月 費 計 劃
月 費 ： $98
通 話 時 間 ： 600 （ 基 本 ） +600 （ 網 內 ）
數 據 用 量 ： 60MB
其 後 收 費 ： $10/10MB （ 最 多 收 $298 ）
毋 須 簽 約
查 詢 ： 2888 1888 （ 後 按 9 ）

one2free 　 HSDPA 流 動 寬 頻 計 劃
月 費 ： $138
通 話 時 間 ： 1,000 （ 基 本 ）
數 據 用 量 ： 100MB
其 後 收 費 ： $0.01/KB
12 個 月 合 約
查 詢 ： 2972 2123

Smartone-Vodafone 　 IOM 優 惠 組 合
月 費 ： $96
通 話 時 間 ： 1,000 （ 基 本 ） +600 （ 網 內 ）
數 據 用 量 ： 600MB （ 只 限 瀏 覽 ）
其 後 或 下 載 收 費 ： $15/15MB （ 最 多 收 $298 ）
15 個 月 合 約
查 詢 ： 2880 2688

3HK 　 無 限 度 月 費 計 劃
月 費 ： $98
通 話 時 間 ： 1,400 （ 基 本 ） +200 （ 網 內 ）
數 據 用 量 ： 100MB
其 後 收 費 ： $10/30MB （ 最 多 收 $290 ）
毋 須 簽 約
查 詢 ： 3162 3333

Peoples 　 數 據 月 費 計 劃
月 費 ： $98
通 話 時 間 ： 600 （ 基 本 ） +600 （ 網 內 ）
數 據 用 量 ： 無 限
毋 須 簽 約
傳 輸 速 度 2.75G
查 詢 ： 2945 8888

狂 上 網 　 定 輕 輕 玩
隨 住 更 多 人 用 手 機 上 網 ， 呢 類 上 網 plan 一 定 會 愈 出 愈 多 ， 如 果 你 以 通 話 為 主 ， 只 係 得 閒 上 網 玩 玩 的 話 ， 不 妨 用 3HK 上 網 計 劃 ， 事 關 佢 基 本 通 話 有 1,400 分 鐘 ， 可 以 煲 耐 。 而 若 然 你 係 上 網 狂 的 話 ， 數 碼 通 都 係 唔 錯 選 擇 ， 事 關 只 要 你 用 爆 的 話 ， 最 多 都 係 收 $298 數 據 費 ， 唔 使 理 600MB 瀏 覽 數 據 點 用 ， 唯 一 缺 點 係 要 簽 約 ！